മലപ്പുറത്ത് രണ്ടു പൊതു കക്കൂസ് അനുവദിച്ചാല്‍ അത് പോലും ന്യൂന പക്ഷ പ്രീണനവും , അങ്ങനെയെങ്കില്‍ നാല് കക്കൂസ് ഭൂരിപക്ഷത്തിനും കിട്ടണമെന്ന നയവുമായി നടക്കുന്ന സുകുമാരന്‍ നായര്‍ കേരളീയ സമൂഹത്തില്‍ വിതക്കുന്ന വിഷ വിത്തുകള്‍ തീര്‍ച്ചയായും ദൂര വ്യാപകമായ പ്രത്യാഘാതങ്ങള്‍ ഉണ്ടാക്കും . മുസ്ലിംലീഗിനെ മുന്നില്‍ നിര്‍ത്തി എല്ലാ വിഷയങ്ങള്‍ക്കും സാമുദായിക നിറം നല്‍കി കൊണ്ട് ഇദ്ദേഹത്തിന്റെ നേത്രത്വത്തില്‍ നടക്കുന്ന പ്രചരണങ്ങള്‍ നല്ല മതേതര വാദികളായ ഭൂരി പക്ഷ സമൂഹത്തിലെ ആള്‍ക്കാര്‍ക്കിടയില്‍ പോലും ഒരു അപകര്‍ഷതാ ബോധം സൃഷ്ട്ടിക്കുന്നുണ്ട് . വസ്തുതകള്‍ ചര്‍ച്ച ചെയ്യപ്പെടാതിരിക്കുകയും , വിവാദങ്ങള്‍ മാത്രം ഉണ്ടാകപ്പെടുകയും ചെയ്യുന്നത് ഭൂഷണമല്ല. മൂന്നു 'കു' കളാണ് കേരളം ഭരിക്കുന്നതെന്ന പുച്ഛവും , പരിഹാസ്യവും നിറഞ്ഞ വാക്കില്‍ തുടങ്ങി , പിന്നീടങ്ങോട്ട് അദ്ദേഹം തുടരുന്ന ഭാഷ ശൈലിയും ,നിലപാടുകളും തന്നിലെ സവര്‍ണ്ണ ബോധം സൃഷ്ട്ടിക്കുന്ന മാനസികമായ വീര്‍പ്പു മുട്ടല്‍ അല്ലാതെ മറ്റെന്താണ് ? ഭൂരിപക്ഷ വിഭാഗത്തിലെ ജനങ്ങള്‍ കേരളത്തില്‍ നിന്ന് ഓടി പോകേണ്ട അവസ്ഥ വരെ ആയിരിക്കുന്നു എന്ന് വരെ പറഞ്ഞു വെച്ചു ഒരിക്കല്‍ , അതിനു മാത്രം നാട്ടില്‍ എന്ത് സംഭവിച്ചു എന്ന് ഒരിക്കലും അദ്ദേഹം വിശദീകരിച്ചിട്ടുമില്ല , വിശദീകരിക്കാന്‍ മാത്രം ഒന്നും ഇല്ല എന്നതാണ് സത്യം . ഇദ്ദേഹത്തിന്റെ നിലപാടുകളില്‍ സി .പി. എം പോലും പലപ്പോഴും വഴുതി വീഴുന്നു എന്നത് നിര്‍ഭാഗ്യകരമാണ്.
മുസ്ലിം ലീഗിനെ കല്ലെറിഞ്ഞു , കുഞ്ഞാലിക്കുട്ടിയെ രണ്ടു തെറിയും പറഞ്ഞാ നല്ല മതേതര വാദിയാവാന്‍ പറ്റുമെന്ന ഒരു ധാരണ കുറച്ചു കാലമായി കേരള രാഷ്ട്രീയത്തിലും , പൊതുബോധത്തിലും നിറഞ്ഞു നില്‍ക്കുന്നുണ്ട് . ഇതിലൂടെ കിട്ടുന്ന മാധ്യമ ശ്രദ്ധ , ഭൂരിപക്ഷ സമുദായത്തിന്റെ ഇടയില്‍ ഉണ്ടാക്കാന്‍ പറ്റുന്ന രാഷ്ട്രീയമായ നേട്ടങ്ങള്‍ ഒക്കെ ഇതിന്റെ പ്രേരക ശക്തിയായി വര്‍ത്തിക്കുന്നു . അല്ലെങ്കില്‍ കുഞ്ഞാലിക്കുട്ടി പറഞ്ഞത്‌ പോലെ ഓടിളക്കി വന്നവരോന്നുമല്ലല്ലോ ലീഗുകാര്‍ ...? പതിറ്റാണ്ടുകളായി ഈ സമൂഹത്തില്‍ മാന്യമായ രാഷ്ട്രീയ പ്രവര്‍ത്തനം നടത്തുന്നവര്‍ തന്നെയാണ് . എന്നിട്ടും ലീഗ് തൊടുന്നതൊക്കെ വിവാദമാക്കാന്‍ ശ്രമങ്ങള്‍ നടക്കുന്നു , അതിനൊക്കെ സാമുദായിക നിറം നല്‍കുന്നു , ലീഗ് കൊണ്ട് മുസ്ലിം സമുദായത്തില്‍ ഒന്നും കിട്ടിയില്ല എന്ന് പറഞ്ഞ നാവുകള്‍ തന്നെ ലീഗ് മുസ്ലിംകള്‍ക്ക് അനര്‍ഹമായി പലതും നേടിക്കൊടുക്കുന്നു എന്ന് മാറ്റി പറയുന്നു .
അഞ്ചാം മന്ത്രി വിവാദം തന്നെ നോക്കുക , എന്തൊക്കെ കോലാഹലങ്ങള്‍ ആയിരുന്നു സാമുദായിക സന്തുലനത്തിന്റെ പേരില്‍ . സന്തുലനം പിടിച്ചു നിര്‍ത്താന്‍ പാട് പെട്ടവരെയൊന്നും രാജ്യ സഭ തിരഞ്ഞെടുപ്പില്‍ , ക്രിസ്ത്യന്‍ സമുദായത്തിന് മേല്‍ക്കൈ കിട്ടിയപ്പോ നമ്മള്‍ എവിടെയും കണ്ടില്ല . സന്തുലനം തകരുമ്പോ എല്ലാ മേഖലയിലും തകരെണ്ടേ ....? സാമൂഹിക നീതിയോ , സാമുദായിക സന്തുലനമോ ഒന്നുമല്ല ഇത്തരക്കാരെ നയിക്കുന്നത് . മറിച്ചു ലീഗിനെ മുന്‍ നിര്‍ത്തി കളിക്കാന്‍ പറ്റുന്ന ഒരു രാഷ്ട്രീയമുണ്ട് , അതിലൂടെ ഉണ്ടാക്കാന്‍ പറ്റുന്ന രാഷ്ട്രീയ വളര്‍ച്ച്ചയുമുണ്ട് . അത് മാത്രമാണ് എല്ലാ വിവാദങ്ങളുടെയും കാതല്‍ .
മലബാറിലെ 35 സ്കൂളുകള്‍ക്ക് aided പദവി നല്‍കാനുള്ള ചര്‍ച്ചകളാണ് ഒടുവിലത്തെ വിവാദം . യു .ഡി .എഫ് ഗവണ്മെന്റ് അധികാരത്തില്‍ വന്നതിന്റെ പിറ്റേന്നു മലപ്പുറത്തെയും , മലബാറിലെയും ലീഗ് നേതാക്കന്മാര്‍ കുറേ സ്കൂളുകള്‍ക്ക് തറക്കല്ലിട്ടു അവയ്ക്കൊക്കെ ധൃതി പിടിച്ചു aided പദവി നല്‍കുന്നു എന്ന രീതിയിലാണ് ചര്‍ച്ച ഉണ്ടാക്കുന്നതും അത് തുടരുന്നതും . പതിനേഴു വര്ഷം മുന്‍പ് ആരംഭിക്കപ്പെട്ട , നിലവില്‍ അര്‍ദ്ധ aided പദവി വഹിക്കുന്ന ഒരു സംവിധാനത്തെ Regularize ചെയ്യാനുള്ള നീക്കത്തെയാണ് വിവാദമുണ്ടാക്കി കൊണ്ടിരിക്കുന്നത് .
കേന്ദ്ര സര്‍ക്കാര്‍ വിദ്യാഭ്യാസ പരമായി പിന്നോക്കം നില്‍ക്കുന്ന മേഖലകളില്‍ ഏരിയ ഇന്റെന്സിവ് പ്രോഗ്രാമ്മില്‍ ഉള്‍പ്പെടുത്തി അനുവദിച്ച നിലവിലെ 'വിവാദ' സ്കൂളുകള്‍ക്ക് അടിസ്ഥാന സൗകര്യം ഏര്‍പ്പെടുത്തിയത് ഓരോ പ്രദേശത്തെയും മഹല്ല് കമ്മിറ്റികളുടെയും , മറ്റും നേത്രത്വത്തില്‍ നാട്ടുകാരാണ് . അവിടത്തെ അധ്യാപകരുടെ ശമ്പളം നിലവിലും കൊടുക്കുന്നത് സര്‍ക്കാരില്‍ നിന്ന് തന്നെയാണ് . ഇങ്ങനെയൊരു പദ്ധതി ആരംഭിക്കുമ്പോള്‍ തന്നെ കേന്ദ്ര സര്‍ക്കാരിന്റെ മാനധന്ടത്തില്‍ ത്തില്‍ പെട്ട ഒന്നായിരുന്നു റണ്ണിംഗ് ചിലവുകള്‍ കേരള സര്‍ക്കാര്‍ വഹിക്കണം എന്നത് . അതിന്റെ അടിസ്ഥാനത്തില്‍ എല്‍ ഡി എഫ് ഗവണ്മെന്റ് ഉള്‍പ്പെടെ മാറി മാറി വന്ന സര്‍ക്കാറുകള്‍ തന്നെയാണ് ഇതിനൊക്കെ നേത്രത്വം വഹിച്ചത്‌ . അതിന്റെയൊരു തുടര്‍ പ്രവര്‍ത്തനം മാത്രമേ ഇപ്പോള്‍ നടക്കുന്നുള്ളൂ.
നിലവില്‍ അര്‍ദ്ധ aided പദവി വഹിക്കുന്ന ഈ സ്കൂളുകള്‍ക്ക് പൂര്‍ണ്ണ aided പദവി നല്കുകയല്ലാതെ പ്രായോഗികമായി എന്ത് മാര്‍ഗമാണ് ഉള്ളത് ? അടിസ്ഥാന സൌകര്യങ്ങള്‍ ഉണ്ടാക്കാനും , സ്ഥാപനങ്ങളെ വളര്‍ത്തിയെടുക്കാനും പാട് പെട്ടവരെ മാറ്റി നിര്‍ത്തി സര്‍ക്കാറിനു എങ്ങനെയാണ് ഈ സ്കൂളുകളെ ഏറ്റെടുക്കാന്‍ സാധിക്കുക ...? ഏറ്റെടുക്കാന്‍ തന്നെ തീരുമാനിച്ചാല്‍ നിയമപരമായി തന്നെ അത് നില നില്‍ക്കാതെ വരില്ലേ ...? വലിയ വായില്‍ ഇങ്ങനെയൊരു ആവശ്യം ഉന്നയിക്കുന്ന സുകുമാരന്‍ നായര്‍ തയ്യാറാകുമോ തങ്ങളുടെ മാനജുമെന്റിനു കീഴിലുള്ള സ്കൂളുകള്‍ ഗവണമെന്റിന് വിട്ടു കൊടുക്കാന്‍ ? ക്രിമിനല്‍ കേസിലെ പ്രതിയെ പോലും നിയമ സംവിധാനത്തിന് മുന്നില്‍ നല്‍കാത്ത സി .പി. എം നാട്ടുകാര്‍ അഞ്ചും , പത്തും പിരിച്ചെടുത്തു ഉണ്ടാക്കി വളര്‍ത്തിയ സ്ഥാപനങ്ങള്‍ ഗവണ്മെന്റ് ഏറ്റെടുക്കണം എന്നൊക്കെ പറയുന്നതിലെ യുക്തിയൊക്കെ എന്താണെന്ന് അരി ഭക്ഷണം കഴിക്കുന്ന ആര്‍ക്കും മനസ്സിലാകും .
മുസ്ലിം ലീഗോ , അതിന്റെ നെത്രത്വമോ വിമര്‍ശനത്തിനതീതരോന്നുമല്ല , രാജ്യത്തെ രാഷ്ട്രീയ പ്രക്രിയയില്‍ സജീവമായി നില്‍ക്കുന്ന ഒരു പ്രസ്ഥാനം എന്ന നിലയില്‍ അത് വിമര്‍ശിക്കപ്പെടുകയും , ചര്‍ച്ച ചെയ്യപ്പെടുകയും ചെയ്യുക തന്നെ വേണം . അതൊക്കെ രാഷ്ട്രീയമായ രീതിയില്‍ മാത്രം ആയിരിക്കണം . സാമുദായിക നിറം നല്‍കി വര്‍ഗീയമായ ചേരി തിരിവിലേക്ക് എല്ലാ കാര്യങ്ങളെയും കൊണ്ടെത്തിക്കാന്‍ ശ്രമിക്കുന്നത് ആരുടെ ഭാഗത്ത് നിന്നായാലും അവര്‍ക്കൊക്കെ താല്‍ക്കാലികമായി ചില നേട്ടങ്ങള്‍ എന്നല്ലാതെ പൊതു സമൂഹത്തില്‍ അത് ഗുണത്തെക്കാള്‍ ദോഷമേ ചെയ്യൂ .
സുകുമാരന്‍ നായര്‍ക്കൊക്കെ ഇനി മുസ്ലിം സമുദായം വളര്‍ന്നു വരുമോ എന്നാ കണ്ണ് കടിയാണേങ്കില്‍ അതിനു മരുന്നില്ല . തല്‍ക്കാലം വിനീത് ശ്രീനിവാസന്റെ 'തട്ടത്തിന്‍ മറയത്തു' എന്ന സിനിമ കണ്ടിരുന്നാല്‍ കുറച്ചു ആശ്വാസം കിട്ടുമായിരിക്കും . അതില്‍ നായര്‍ ചെക്കന്‍ ഒരു ഉമ്മച്ചി പെണ്ണിനെ വളച്ചെടുക്കുന്നതില്‍ വിജയിക്കുന്നുണ്ടേ ....
The only way for BJP to start an account in kerala ,they need a competitor, here As a religious part BJP need to make Leauge as a religious party to create a conflict in kerala and to make a religious feeling in common people in kerala. as the first step they are moving this way.... Second here in kerala in this situation BJP can now fought agents M leauge only in kerala as a religious based party.. here in kerala, 45% minority is there and those votes are most going to UDF and then come to the majority among that ezhava is the majority and there votes are going to LDF, So if BJP need to start an account, they need to create a communal division in the common people mind ... So leauge should be v carefull in every thing and need to understand the play behind this things.... my dear friends.. i also like to c keral people need to live together without any religious pblams and need to live in peace
ReplyDelete250പവനും Swift കാറും കൊടുത്തു വിവാഹ മാമാങ്കം നടത്തിയ വ്യക്തിയുടെ കുറഞ്ഞ റാങ്കില്‍ പാസ്സായ മകനു സംവരണം. ഉയര്‍ന്ന റാങ്കില്‍ പാസ്സായ പാസായ ദരിദ്രവാസി തെണ്ടി നടക്കുന്നു.സ്വാഭാവികമായും ഇതൊരു വലിയ അനീതിയാണ്. സാമ്പത്തിക ഉന്നമനം വരുമ്പോള്‍ പാവങ്ങളെ സഹായിക്കുകയാണ് വേണ്ടത്.Cast based reservation is a crime of humanity.
ReplyDelete